فاریکس میں لیوریج – اسے دانشمندی سے استعمال کرنے کا طریقہ

لیوریج استعمال کرنا

جب آپ لیوریج کے طریقہ کار سے متعلق بنیادی چیزیں سمجھ لیتے ہیں تو آپ کو احساس ہوتا ہے کہ یہ ٹریڈنگ میں شاندار مواقع بھی آفر کرتی ہے اور زبردست مشکلات بھی۔ ٹریڈ کرنے کیلئے آپ کو لیوریج کی مخصوص سطح درکار ہوتی ہے کیونکہ ممکنہ طور پر آپ ہزاروں لاکھوں ڈالرز ڈیپازٹ نہیں کرنا چاہیں گے۔

عملی طور پر لیوریج استعمال کرنا

لیوریج آپ کے منافعوں اور خساروں دونوں کو بڑھانے کی صلاحیت رکھتی ہے۔ اس کی وجہ یہ ہے کہ ٹریڈنگ کے زیادہ حجم کارکردگی کو مؤثر حد تک بڑھا دیتے ہیں، چاہے کارکردگی اچھی ہو یا بری۔ ناتجربہ کار اور لاپروا ٹریڈرز اکثر تجربہ کار فاریکس ٹریڈرز کے مقابلے میں زیادہ رقم گنواتے ہیں۔

لیوریج کی ایسی کوئی ایک سطح نہیں جو ہر ٹریڈر کیلئے موزوں ہو۔ یہ آپ کے اہداف، تجربہ، مالی صورتحال اور دیگر عوامل پر منحصر ہوتی ہے۔ تاہم آپ مفت ڈیمو اکاؤنٹ کے ساتھ مشق کر کے مختلف بیلنسز کے ساتھ لیوریج کے مختلف ریٹس آزما سکتے ہیں۔

Exness میں لیوریج

انسٹرومنٹ کے لحاظ سے Exness مقررہ اور قابل تبدیلی دونوں طرح کی لیوریج آفر کرتی ہے۔ مقررہ لیوریج والے انسٹرومنٹس میں کرپٹو کرنسیاں شامل ہیں جبکہ قابل تبدیلی لیوریج والے انسٹرومنٹس میں فاریکس اور زیادہ تر دیگر انسٹرومنٹس شامل ہیں۔

جب آپ کا بیلنس بڑھتا ہے تو آپ کی زیادہ سے زیادہ دستیاب لیوریج گھٹ جاتی ہے۔ مثلاً اگر آپ کا بیلنس $1,000 (یا کسی اور کرنسی میں اس کے مساوی) سے تجاوز کر جاتا ہے تو آپ لامحدود لیوریج استعمال نہیں کر سکتے۔ تاہم، آپ لامحدود لیوریج استعمال کرنے کیلئے رقم نکلوا سکتے ہیں یا دوسرا اکاؤنٹ کھول سکتے ہیں۔

بڑی خبروں کے دوران بھی آپ کی فاریکس لیوریج محدود کر دی جاتی ہے۔ امریکی ملازمت کی رپورٹ (جسے NFP بھی کہا جاتا ہے) جیسی بڑی ریلیزز سے 15 منٹ پہلے اور 5 منٹ بعد تک زیادہ تر انسٹرومنٹس کیلئے نئی پوزیشنز کی زیادہ سے زیادہ لیوریج 1:200 یا انڈیکسز کیلئے 1:50 ہوتی ہے۔

ایسی دیگر غیر معمولی صورتیں بھی ہو سکتی ہیں جب دستیاب زیادہ سے زیادہ لیوریج اس سے کم ہو جتنی آپ استعمال کرنا چاہتے ہوں۔ آپ Exness کے ساتھ اکاؤنٹ رجسٹر کرنے کے بعد اپنے ذاتی علاقہ میں موجود ہمارے ہیلپ سینٹر کے ذریعے مزید معلومات تک رسائی حاصل کر سکتے ہیں۔

یہ منتخب کرنا کہ آپ لیوریج کا کیا ریٹ استعمال کرنا چاہتے ہیں

اپنے کسی بھی اکاؤنٹ کیلئے لیوریج تبدیل کرنے کی خاطر، اپنے Exness کے ذاتی علاقے میں لاگ ان کر کے شروعات کریں۔ ذاتی علاقے کے بنیادی صفحہ 'My accounts' پر، وہ اکاؤنٹ تلاش کریں جس کیلئے آپ لیوریج تبدیل کرنا چاہتے ہیں اور زرد بٹن کی دائیں جانب تین نقطوں پر کلک کریں۔ پھر 'Change max leverage' پر کلک کریں اور آپ کو یہ اسکرین نظر آئے گی۔

ڈراپ ڈاؤن مینو سے، اپنی ترجیحی لیوریج منتخب کریں اور وہ تبدیل ہو جائے گی۔ تاہم، یاد رکھیں کہ جیسا اوپر بیان کیا گیا ہے، اگر آپ لیوریج کا زیادہ ریٹ منتخب کرتے ہیں تو یہ ہمیشہ مؤثر نہیں ہوگا، جیسا کہ اس اسکرین پر موجود معلومات میں وضاحت کی گئی ہے:

لیوریج کے ساتھ ٹریڈنگ کرنے کی عملی تجاویز

اگرچہ CFDs کے ساتھ قیاس آرائی کرنے اور قابل ڈیلیور اثاثوں میں سرمایہ کاری کرنے کے درمیان کافی فرق ہیں تاہم لیوریج ان میں سب سے نمایاں فرق ہے۔ آپ نسبتاً چھوٹے ڈیپازٹ کے ساتھ زیادہ بڑی رقوم کنٹرول کر سکتے ہیں جو تیزی سے بہت زیادہ رقم گنوانا آسان بنا دیتا ہے اور آپ کو اس سے گریز کرنا چاہیے۔ فاریکس لیوریج کو سمجھنے کے علاوہ آپ کو اسے استعمال کرنے کا طریقہ بھی جاننا چاہیے۔

ٹریڈنگ سیکھنا کوئی دوڑ نہیں ہے

ایسے کسی بھی ہنر کے بارے میں سوچیں جو آپ نے ٹریڈنگ کے علاوہ سیکھا ہو۔ جب آپ نے پہلے ڈرائیو کرنا سیکھا تو کیا آپ نے Maserati یا پھر Tesla کے ساتھ شروعات کی؟ اگر آپ نے فوجی سروس مکمل کی ہے تو کیا آپ کو پہلی بار اسلحہ چلانے کیلئے توپ دی گئی تھی؟ کیا کھانا پکانا سیکھنے کیلئے آپ نے بریانی بنانے سے آغاز کیا تھا؟

غالباً نہیں۔ اور ٹریڈنگ بھی کچھ مختلف نہیں: 1:2000 لیوریج کے ساتھ شروعات نہ کریں۔ پہلے کم ریٹس آزمائیں اور اپنی معلومات اور صلاحیتوں میں اضافے کے ساتھ اسے بڑھائیں۔

قدم اٹھانے سے پہلے غور کریں

تقریباً ہر تجربہ کار ٹریڈر نے اپنے پہلے ڈیپازٹ پر اسٹاپ آؤٹ کا سامنا کیا ہوتا ہے۔ جو بھی اس کے برخلاف کہے یا تو وہ انتہائی زبردست سیلف ڈسپلن رکھتا ہے اور خطرے کا نظم کرنے میں ماہر ہے یا پھر حقیقت نہیں بتا رہا۔

زیادہ تر لوگ تیار ہونے سے پہلے ہی لیوریج والے لائیو اکاؤنٹس کے ساتھ فاریکس ٹریڈنگ شروع کر دیتے ہیں۔ اگر آپ اپنی تیاری کے حوالے سے پُریقین نہیں ہیں تو ڈیمو اکاؤنٹ پر مشق کرنے اور خطرے کے نظم کے اہم ٹولز پر تحقیق کرنے میں زیادہ وقت صرف کریں۔ اس کا مطلب یہ نہیں ہے کہ آپ کو کئی سال ڈیمو اکاؤنٹ استعمال کرنے کی ضرورت ہے، بس حقیقی رقم ڈیپازٹ کرنے سے قبل ایسی مختلف صورتوں میں مشق کرنے کیلئے کافی وقت صرف کریں جو آپ کی حقیقی ٹریڈنگ کی صورتوں سے قریب ہوں۔

آزمائے گئے اصول بنائیں اور پر عمل کریں

ریٹیل یا پیشہ ور ٹریڈر کے بطور، آپ کے پاس ممکنہ طور پر ڈرا ڈاؤن اور مارجن کی سطح کے حوالے سے سخت اصول ہوں گے۔ آپ ان اصولوں پر اس لیے عمل پیرا رہتے ہیں کیونکہ آپ انہیں آزما چکے ہیں اور آپ جانتے ہیں کہ یہ مالیاتی اور جذباتی دونوں خطرات کو گھٹانے میں مدد دیتے ہیں۔ اگر آپ نئے ٹریڈر ہیں تو یہ اختیار کرنے کیلئے ایک اچھی حکمت عملی ہے۔

مثلاً، آپ یہ اصول طے کر سکتے ہیں کہ اگر آپ کے مارجن کی سطح %200 سے نیچے چلی جائے تو آپ کوئی نئی پوزیشن نہیں کھولیں گے۔ اس سے آپ کے کسی بھی خسارے کو منافع میں واپس آنے کی گنجائش ملتی ہے، یہ فرض کرتے ہوئے کہ ٹریڈز کے پیچھے اصل آئیڈیاز معقول تھے۔ یہ حکمت عملی خسارے میں جانے والی ٹریڈز کو فوراً بند کرنے کا دباؤ بھی کم کرتی ہے۔